A área de Lingua da Deputación da Coruña e o Observatorio de Dereitos Lingüísticos da Mesa pola Normalización Lingüística celebran na Biblioteca Provincial da Coruña ‘Lingua con dereito. Dereito á lingua’, unha xornada de debate arredor das posibilidades de litigación extratéxica como vía de avance para os dereitos lingüísticos.

A inauguración será ás 10 horas, a cargo da deputada, Soledad Agra, e o presidente da Mesa pola Normalización Lingüística, Marcos Maceira, quen introducirán os sete relatorios, nos que intervirán especialistas de todo o Estado: Xoán Antón Pérez Lema, Benet Salellas i Vilar, Iñigo Urrutia, Carlos Amoedo Souto, Elsa Quintas, Miguel Bieito, Cristina Fernández, Rut Carandell e Agurne Gaubeka. A xornada clausurarase cunha homenaxe ao xurista e avogado Nemesio Barxa.