O vindeiro venres 28 de febreiro, ás 20:30 h, o Auditorio CCC de Arteixo Manuel Murguía acollerá a representación da impactante peza teatral "La violación de Lucrecia", da compañía TEATRO CLÁSICO DE SEVILLA. Esta obra, baseada no poema homónimo de William Shakespeare, preséntase como un monólogo conmovedor e intenso que explora con claridade e crudeza a violencia, o abuso de poder e a humillación sistémica da violación como arma machista contra a muller.