O vindeiro luns, día 4 de novembro ás 19:30h continuando co Ciclo Pensando o Futuro estará na AC Alexandre Bóveda Melania Cruz para falar de Teatro e memoria.

É fundamental coñecer de onde vimos para saber como chegamos aquí e pensar no futuro que virá.

O teatro pode ser unha poderosa ferramenta para desenterrar a memoria dándolle vida, difundíndoa e compartíndoa coa comunidade que habitamos no aquí e no agora.

Melania Cruz (Lugo, 1983) é actriz de cinema, televisión e teatro. Foi galardoada en 2022 co Premio da Cultura Galega na categoría de Artes Escénicas.