O martes 14 de xaneiro terá lugar ás 20 horas na Real Academia Galega de Belas Artes o concerto “Raíces e Ventos, Galicia na intimidade” o primeiro dun ciclo de recitales titulado “Estreas na Academia” na que se interpretarán obras de Fernando Vázquez Arias.

O concerto incluirá a presentación das seguintes obras: Sonata Brigantia, dedicada á cidade da Coruña, a segunda patria do autor; Tema con variacións para Ismael, ambas escritas para piano; Concerto Galaico e Almas Xemelgas, para fagote e piano; que interpretarán Ricardo Blanco ao piano e Esteban García Vidal ao fagote.

O acto está encadrado nos “Martes das Artes” e terá entrada libre ata completar capacidade.