Xoel López, Budiño e a banda de Late Motiv serviron onte para render homenaxe no programa de Andreu Buenafuente ao Día das Letras Galegas.

Os músicos cos que conta habitualmente Buenafuente no seu programa, dirixidos por un galego, o guitarrista Pablo Novoa, e con estes dous colaboradores de luxo, facían así unha chiscadela aos galegos coa interpretación da canción "A serea e o mariñeiro", que difundiron logo nas redes sociais cunha mensaxe de felicitación polo 17 de maio.