13º-21º
sábado | 26 abril | 2025
A Carreira Popular de Arteixo celebra o seu 25 aniversario cunha programación que aposta polo deporte base. Os circuitos de menores, con distancias adaptadas por idade, converterán a mañá do 1 de maio nun evento familiar e educativo, onde a participación e a ilusión serán as grandes protagonistas.
A tradicional Carreira Popular, que este ano celebra as súas bodas de prata, arrancará o 1 de maio cos circuitos destinados aos máis novos, que este ano estrean unha novidade importante: os nenos e nenas nados dende 2022 poderán participar, ampliando así o acceso á proba prebenxamín a rapazada que cumpre 3 anos en 2025.
Todas as categorías contarán con distancias adaptadas ás idades dos participantes, garantindo unha experiencia segura, divertida e motivadora para os futuros atletas.
Estes serán os horarios e percorridos:
Un dos momentos máis entrañables da xornada será a entrega das medallas conmemorativas do 25 aniversario a todos os participantes das categorías prebenxamín, benxamín, alevín e especial, como recoñecemento ao seu esforzo e entusiasmo.
As medallas, deseñadas especialmente para esta edición histórica, gardarán para moitos e moitas o recordo da súa primeira carreira.
Asimesmo, os tres primeiros e primeiras das categorías benxamín, alevín, infantil, cadete e xuvenil
recibirán o seu trofeo na ceremonia que terá lugar no interior do Pazo arredor das 11:50.
A organización quere subliñar o carácter integrador do evento, onde o deporte é unha ferramenta para educar en valores como o compañeirismo, a superación e a participación.
Con estas probas, a Carreira Popular de Arteixo segue a apostar por un modelo de evento familiar, saudable e aberto a todas as idades.
A cita será o 1 de maio, e como cada ano, o deporte será o mellor motivo para celebrar en comunidade.
